[6/17, 9:13 AM] Nikhil Kinariwala.MeM: *NOG SS No* : *0110*
*પ્રકાર : ગદ્ય- *મૌલિક લેખ*
*વિષય* : *આવ રે વરસાદ*
*શબ્દો* : *૩૪૯*
*શીર્ષક* : *’મોસમનો પહેલો વરસાદ’*
*લેખકનું નામ* : *નિખિલ કિનારીવાળા (અમદાવાદ)*
ગ્રીષ્મની વિદાય અને મેહુલાનું આગમન. આ ધરતી પરનો દરેક જીવ આ પળની આતુરતાથી રાહ જોઈને બેઠો હોય છે. ઉનાળાની ગરમીથી ત્રાહિમામ પોકારી ગયેલા માણસ, પશુ, પંખી સહુ કાગડોળે વર્ષાઋતુના આગમનની વાટ જોતાં હોય છે. આકાશમાંથી ઝરતી કાળઝાળ ગરમીને વિદાય આપવા નભમાં કાળાડિબાંગ વાદળોની સવારી આવી પહોંચે છે. ગડગડાટ કરતા વાદળોના ધ્વનિ સાથે મેહુલો ધરતીના જીવોને રીઝવવા મન મૂકીને વરસવા થનગની રહે છે.
વાદળોનો ગડગડાટ અને પવનની ઠંડી લહેરખી સમગ્ર વાતાવરણને પરિવર્તનની આગોતરી જાણ કરે છે. વર્ષાની આતુરતાથી રાહ જોતાં વૃક્ષોની ડાળીઓ અને પાંદડા તેજ પવનની લહેરખીની સંગે વરસાદી ઝાપટાં સાથે આમ થી તેમ ફંગોળાઈ ઝૂમી ઉઠે છે. મોરના ટહુકાઓ અને પક્ષીઓનો મીઠો કલરવ વાતાવરણમાં ગુંજી ઉઠે છે અને એક જીવંતતા ફેલાઈ જાય છે. જાણે મેહુલાને વધામણી આપવા આખી ય ધરતી ઝુમી ઉઠે છે. કુદરતની પણ કેવી કમાલ છે કે ઋતુચક્રના ફેરફાર પ્રમાણે ધરતી ઉપરની સમગ્ર જીવસૃષ્ટિ આપોઆપ વર્ષાના આગમનને દિલથી આવકારવા થનગની ઉઠે છે.
વરસાદને વધાવતું બાળકોને પ્રિય આ બાળગીત તો આપણે સહુએ નાનપણમાં જરૂર ગાયું જ હશે. ભાગ્યે જ કોઈ ગુજરાતી આનાથી અજાણ હોય. ‘આવ રે વરસાદ, ઘેબરીઓ પરસાદ…ઊની ઊની રોટલી ને કારેલાનું શાક’ કેટલું સુંદર આનંદ વ્યક્ત કરતું બાળગીત. બાળકો તો પહેલા વરસાદના આગમન સાથે ગાંડા ઘેલા થઈને આ બાળગીત ગણગણાવતા વર્ષામાં ભરપેટ ભીના થાય છે અને ખુલ્લા આકાશ નીચે બે હાથ ફેલાવીને પાણીમાં છબછબિયાં કરી અનેરો આનંદ મેળવે છે.
માત્ર બાળકો માટે જ નહીં મોટેરાઓ માટે પણ મોસમની પહેલી વર્ષા જીવનમાં આનંદ અને ઉલ્લાસનો સંદેશો બનીને આવે છે. બીજા બધા કામ પડતા મુકીને મોટેરાઓ પણ એક અલગ જ અંદાજમાં વરસાદની બૂંદોની છાલક અને ભીની માટીની મહેંક દ્વારા મનને પ્રફુલ્લિત કરવાની તક ઝડપી જ લેતા હોય છે. પ્રેમી પંખીડા અને નવપરિણીત યુગલ તો મોસમના આ પહેલા વરસાદના આગમનથી તેમના જીવનમાં મેઘ ધનુષ્યના રંગો જાણે ફૂટી નીકળ્યા હોવાનો અનુભવ કરે છે. હાથમાં હાથ પરોવી યુગલ તળાવ, નદી, દરિયો કે રસ્તાને કિનારે ટહેલતા ચાલતા હોય છે. વરસતા વરસાદમાં શેકેલા મકાઇના ડોડા અને શેકેલી મગફળીના ફોફાની લહેજત માણવા લોકો ધરની બહાર નીકળી આવે છે.
મોસમનો પહેલો વરસાદ અને ભીની માટીની મહેંક આપણા સહુના જીવનમાં આનંદ અને ઉલ્લાસનો અનુભવ કરાવે છે અને ઈશ્વર પ્રત્યેની આપણી શ્રધ્ધાને બેવડાવે છે. સૃષ્ટીની સધ્ધરતા અને જીવોની સૃષ્ટિ સાથેની તાદાત્મ્યતાની વર્ષાના આગમનની સાથે ઉજવણી થાય છે.
નિખિલ કિનારીવાળા, અમદાવાદ
૧૬ જૂન ૨૦૨૨.
[6/17, 2:49 PM] Pravina Kathiriya.MeM: NOG SS No : 114
વિભાગ : ગદ્ય
શબ્દ : આવ રે વરસાદ
શીર્ષક: દુષ્કાળ
શબ્દ સંખ્યા-120
રચના-
ચારેકોર હાહાકાર મચી ગયો હતો.બે વર્ષથી વરસાદ પડયો ન હતો. જમીનમાં એક પણ અનાજનો દાણો ઉગ્યો નહતોં. ખેડૂતો નિરાધાર થઈ ગયા હતાં. દુષ્કાળે લોકોનો ભરડો લેવાનું શરૂ કર્યું હતું.અનાજ હવે ઘરોમાં ખૂટવા લાગ્યું હતું. પશુ-પંખીઓ પાણીનાં અભાવે મરવા લાગ્યાં હતાં. કાળઝાળ ગરમી વધી રહી હતી. લોકો ખાધા-પીધાં વગર હાડપિંજર જેવા થઈ ગયા હતાં. ક્યાંક મંદિરોમાં ભોજન વિનામૂલ્યે પીરસાતું હતું.લાંબી લાંબી લાઈનો ભોજન માટે ખડકાય જતી.
હજાર હાથવાળો રુઠ્યો છે. જમીનમાંથી તિરાડો ડોકિયા કરે છે.સૂરજ જાણે અગ્નિની જ્વાળોઓ ઓકી રહ્યો છે.
ગામમાં ચકલુંય ફરકતું નથી. ” હાય રે ,હાય “કુદરત આ તે કેવી પરીક્ષા તારી.હવે તો મોકલો પ્રભુ વરસાદ,આવ રે વરસાદ,આવ રે વરસાદ.
કથીરીયા પ્રવિણા “પવી” નવસારી.
[6/17, 3:37 PM] Nayana.MeM.NOG Patel: Nog.ss.73
વિભાગ. પદ્ય
શીર્ષક. વરસી પડું.
કવિતા..
હું ગગન બની વરસી પળુ સ્નેહ કરવા તુજને….
જો તું બને ધરા તો આભમાંથી વરસી પડું સ્નેહ કરવા તુજને..
બનું સ્નેહનું મીઠું ઝરણું ને કદી ધોધમાર વરસુ..
છે ધરામાં ક્ષમતા મુજને ખમવાની તો
બે સુમાર વરસુ….
મેહકી જશે ઉપવન આખો ધરા તારો.
કરું હું સહેજ જો અમી છાંટણોમારો
ખીલી ઉઠશે ચારો કોર ધરા શ્રુગાર તારો..
હું કરુંજો આભથી વરસાદ મારો..
તુજને સ્નેહ કરવા ઘનઘોર બનું,ધરા
વરસી પડું તુજ પર બે સુમાર ધરા..
છે આલિંગનની અભિલાષા હરવક્ત
ધરા તુજમાં સમાઈ જવાની ઈચ્છા છે હરવક્ત…
એટલેજ વરસી પડું છું તુજ પર ધરા
સાગરમાં સરિતાને મળવાની વાત છે ધરા..
હું ગગન બની વરસી પડું તુજને સ્નેહ કરવાને ધરા…
મહેકી ઉઠશે તારું તનબદન ધરા…
નયના પટેલ..નૈન.