ન્યૂઝ ઓફ ગાંધીનગર દૈનિક આયોજિત સાહિત્ય સરિતા ગ્રુપ ની આજેેે ૬ ગદ્ય રચનાઓ પ્રસિદ્ધ કરવામાં આવે છે
વિષય : રંગ,હોળી,ધુળેટી. પ્રસિદ્ધિ. દિવસ – ૪
www.janfariyadnews.com
Email: prdpraval42@gmail.com
What’s up calling No : 9824653073
તંત્રી/સંચાલક : પ્રદીપ રાવલ
રચના ચેક કરનાર : જયશ્રીબેન પટેલ
યુ ટ્યુબ ચેનલ : janfariyadnews
ન્યૂઝ પોર્ટલ : janfariyanews
વેબ સાઈટ : janfariyadnews.com
NOG .SS NO. 0095
વિષય :– રંગ , હોળી , ધૂળેટી
પ્રકાર :– ગદ્ય
શીર્ષક :– “ જીવનમાં રંગોનું મહત્વ
રંગ………..
માત્ર આટલું બોલતાં જ મનમાં રંગોનું મેઘધનુષ રચાઈ જાય ! જીવનમાં અગત્યનાં છે રંગો . અને એ પણ કેટલાં ને કેવાં ? જીવનમાં જન્મથીજ રંગોનું મહત્વ છે.
આમતો એમ કહેવાય છે કે , લાલ , પીળો, અને વાદળી મૂળ રંગ કહેવાય . બાકીનાં બીજા બધાં મેળવણીથી થાય. હા , મંજૂર ! આ માની લઈએ. તો પછી મેઘધનુષનાં સાત રંગ કેમ ? એમાં કુદરતે મેળવણી કરી હશે ? આ સાત રંગ જેમાં “ સાત “ શબ્દ જીવનમાં કેટલો વણાયેલો છે ?
વિચારો…. સંગીતનાં સૂરો સાત… લગ્નમાં સપ્તપદીનાં ફેરા સાત , વચન સાત . કોઈનો ગુસ્સો કે ખુશી કે અભિમાન અનહદ હોય તો પણ એમજ કહેવાય કે સાતમાં આસમાને છે ! અને મેઘધનુષનાં રંગો પણ સાત ! આ પણ જીવનનાં રંગો જ છે ને ? અને એ રંગ પણ કેવા ? પ્રેમનો રંગ , તિરસ્કારનો રંગ , વહાલનો , બનાવટનો વગેરે અનેક રંગો વણાયેલા છે જીવનમાં . વાતોમાં દ્રષ્ટાંતોમાં અને જન્મ અને જીવનનાં અંતમાં ખુશી અને દુઃખનાં રંગો !
સામાન્ય વાતમાં પણ કહેવાય કે જિંદગી કેવા કેવા રંગો દેખાડે છે ! દરેક રંગ કોઈને કોઈ વાત કે ઘટના સાથે સંકળાયેલો છે. જેમકે દુ:ખમાં કાળો , ખુશીમાં લીલો , ગુસ્સામાં લાલ , અને પ્રેમમાં ગુલાબી રંગ હોય છે. ના હું તો એમજ કહીશ કે પ્રેમમાં તો સાતેસાત રંગ હોય ! વિચારશો તો સમજાશે , અરે ! “ પ્રેમ. “ પોતે જ એક રંગ કહેવાય છે.
“ પ્રેમિકા કહેતી હોય કે હું તારા પ્રેમનાં રંગે રંગાઈ ગઈ છું .” બોલો , આ તે કેવી અનુભૂતિ હશે ? રંગની વાત જ ભેદી છે. રંગનો ઉલ્લેખ કઈ રીતે થાય એ જ એક પ્રશ્ન છે. કોઈ કહેતું હોય , “ મેં કહ્યું એ યાદ રાખજે , પછી રંગ ના બદલતો “. આમ લોકોનાં. મિજાજ પણ રંગીન હોય છે , એ રંગ કયો એ ખબર જ નથી.
પહેલાં એવું કહેવાતું કે, કાચિંડો રંગ બદલવામાં નિષ્ણાત છે. પણ હવે તો માણસ પણ કાચિંડાને શરમાવે એટલાં. રંગ બદલે છે. હું તો એટલું જ કહીશ કે સૌથી અગત્યનો રંગ હોય જીવનમાં તો એ છે આનંદનો રંગ ! બસ આ રંગ જ જીવનને મેઘધનુષી બનાવે છે.
સર્કસમાં કે ક્યાંય પણ વિદૂષકનો ચહેરો વિવિધ રંગોથી રંગાયેલો હોય એમાં લાલ , પીળા, સફેદ , કાળા , ગુલાબી , રંગો ચહેરા પર ચોક્કસ જગ્યાએ જ હોય , એને કારણે ભાવ મુજબ સ્નાયુઓ ખેંચાય અને એ સાથેજ ચોક્કસ રંગ નિખરે . વાત છે રંગ વિનાનું જીવન એક મૂર્તિ સમાન છે . રંગ હોયતો જીવનમાં વિવિધતા છે.
“ આ હોળીએ સૌનાં જીવનમાં આનંદ અને પ્રેમનાં રંગો ખીલતાં રહે એવી શુભેચ્છા “.
દીપિકા ચાવડા .’ તાપસી ‘.
******************************************
*NOG SS NO.004*
*વિષય : રંગ, હોળી , ધુળેટી*
*પ્રકાર : ગદ્ય*
*શીર્ષક: રંગ દે!*
…રંગ..આ શબ્દ સાંભળતાં જ ઉલ્લાસ ,આનંદ અને
જલસા સાથે જોડાઈ જવાય.ઈશ્વરની અદ્ભુત રંગલીલામાં મોરપીંછ, રંગબેરંગી ફૂલો, અસંખ્ય પાંદડાં જેમાં લીલાં રંગનો અનન્ય નજારો, જાંબુ,દ્રાક્ષ ,સફરજન, કેરી જેવાં ફળોની ભરમાર. કંઈ કેટલું શામેલ!
મૂડ અને સ્વભાવ પ્રમાણે આપણે રંગોને વિવિધ વસ્તુ કે ભાવના સાથે જોડ્યાં છે.લાલ રંગને પ્રેમનું પ્રતીક તો લીલાને સમૃદ્ધિ સાથે ,આસમાનીને જળ
સાથે તો ભગવા ને સંન્યાસી કે શૂરાતન સાથે તો સફેદને શાંતિ કે સમાધાન સાથે.હાલની કોરોના ગ્રસ્ત પરિસ્થિતિમાં ખાખી રંગનો દેશની અંદર
કે સરહદે પાડ ભૂલાય એવો નથી. અપશુકનિયાળ ગણાતો કાળો રંગ તો કામણગારો છે .વળી આજનાં જેટયુગમાં પણ પેલી મેશનું ટપકું અસ્તિત્વ ધરાવે જ છે બૂરી નજરથી બચવા.
પાની રે પાની તેરા રંગ કૈસા,
જીસમેં મિલા દો લગે ઉસ જૈસા!
આમ પાણી જેવી અણમોલ ભેટ ઈશ્વરે રંગહીન આપી છે જે સ્વીકાર કરવાનું શીખવે છે,ભળી જવાનું
શીખવે છે.
રંગને જ્યારે આપણે ખુશી કે આનંદ સાથે જોડીએ
ત્યારે કોઈનાં રંગહીન કે બેરંગી જીવનમાં ખુશીનો છંટકાવ પણ રંગીલો જ કહેવાય. સોશીયલ મીડીયા
પર એક વિદેશી ક્લીપમાં એક મિત્ર પોતાનાં નેત્રહીન મિત્રને સ્ટેડિયમમાં એટલાં ઉત્સાહથી એક સ્પર્ધાનું
વર્ણન કરતો હોય છે કે વિજયને પેલાં મિત્રે તાદૃશ્ય નિહાળ્યો હોય એમ ખુશીથી નાચી ઊઠ્યો.આને કહેવાય રંગોની લ્હાણ.નાનકડો ખોબો જ પર્યાપ્ત.
” રંગુ ,રંગાવું તો નર્યા પ્રેમ હેતથી
આપવું ત્યાં માપવું મંજૂર નથી.
ભીંજાવું કે પલળવું,કેમ થાય નક્કી,
રંગ હોય પાકો, ત્યાં તો નિત ધુળેટી.
આમ રંગ એ કોઈ ઉજવણી કે તહેવાર સાથે ન જોડાય પણ માનવની આનંદ માણવાની થતી રહેતી નિરંતર ઘટના છે. પેટ દુઃખે એટલું હસવું કે
હસાવવું , આંગણે ઊગતાં પુષ્પોનો પમરાટ માણવો ,કોઈ ગમતી ફિલ્મ વારંવાર જોવી એ પણ રંગ માણવાની
તાસીર છે. બધું ધાર્યું ન થાય પણ જે માણી શકાય એને અંતર્ગોળ અરીસામાં જોઈ વિશાળતા અનુભવવી એ પણ રંગપંચમી જ છે.
“એનાં” રંગે રંગાવાની એક તમન્ના રાખી મુક્તિની એષણા એ તો તૃષાતુર હોળી જ ને!
મોહે રંગ દે તૂ અપને રંગમેં રંગ દે…
# માયા દેસાઈ
મુંબઈ ભારત.
*****†***********************************
NOG સાહિત્ય સરિતા (૧).
NOG No. 0059.
વિષય: રંગ-હોળી-ધૂળેટી.
શીર્ષક: ” પ્રેમસેતૂ”.
હોળી શબ્દ એક, અક્ષર બે પરંતુ વિશ્વનાં કરોડો હૈયાનો માનીતો, પ્રેમ- મહોબ્બતથી ઉજવાતો આનંદભર્યો ઉત્સવ.
ચાતકપક્ષી, આખુવર્ષ વર્ષાઋતુની
રાહ જોતું બેઠું રહેછે તેમજ કદાચ, તેથી પણ વિશેષરીતે આ માનવજગત, આ પચંરગી અને છલોછલ પ્રેમથી ભરેલા ઉત્સવનો આનંદ આપવાં અને માણવા આ અદ્વિતીય ત્યોહારની ઈતેંજારી
કરતુ રહેછે અને અનોખી રીતે પ્રેમથી ઉજવાતા તહેવારનું આજ રાઝ છે.
આધુનિક યુગમાં ઉજવાતા નવાં
ફ્રેન્ડશીપ ડેથી પણ વિશેષપણે
મિત્રતાનો રંગ આ ઉત્સવમાં વધુ ખીલી ઉઠેંછે, તો આજ તહેવારમાં બે યુવાન હૈયાં વચ્ચે છુપીરીતે રમાતો ” ઈલુ-ઈલુ” નો રંગ આ તહેવારમાંજ સોળે કળાએ ખીલી ઉઠેંછે, ઝૂમી ઉઠેંછે.
આ તહેવારમાંજ આસુરી તત્વોનો
નાસ થાયછે અને દેવી તત્વોનો
પ્રભાવ વર્તાયછે.
લીલોરંગ ભાઈચારાની ભાવનાને
વધુ નવપલ્લવિત કરેછે તો
ગુલાલનો ગુલાબીરંગ યુવાનો
યુવતીઓને પોતાનાં અરમાનોને
સજાવવા માટેની તાજગી બક્ષેછે.
આ કોરોનાકાળનો કાળોરંગ
અદ્રશ્ય થાય અને સમસ્ત વિશ્ર્વમાં મેઘધનુષ્યનાં સપ્તરંગોનું
શાંતિનું સામ્રાજય સ્થાપાય તેવી હાર્દિક શુભેચ્છાઓ. શુભેચ્છાઓ.
ભાઈ આવીરે આવી હોળી
પ્યારે’પુરશે નવચેતનાની રંગોળી.
©️જયકાન્ત ઘેલાણી’પ્યારે’.
૨૭.૦૩.૨૧.
******************************************
NOG SS No : 0048
વિષય – રંગ
વિભાગ – ગદ્ય
*શીર્ષક – નવો અધ્યાય*
વાણી અને નિનાદ નાનપણથી એક જ ભીંતે રહીને મોટા થયાં. બંનેનાં માતા-પિતા વચ્ચે સુમેળભર્યા સંબંધો હતાં. કોણ જાણે કેમ નિનાદ અને વાણી નાનપણથી એકબીજાથી દૂર રહેતાં, જે યુવાનવયે પણ એવું જ રહ્યું.
નિનાદ વાણીથી એક વર્ષ મોટો હતો. બંને ભણવામાં હોંશિયાર હતાં અને એક જ શાળામાં ભણતા હતાં. શાળામાં ભણવાથી લઈ ઈતર પ્રવૃત્તિઓની સ્પર્ધાઓમાં પણ બંને એકબીજાને ટક્કર આપતાં , ક્યારેક નિનાદ આગળ તો ક્યારેક વાણી.
વાણીએ બારમા ધોરણ પછી નિનાદ જે કોલેજમાં જતો હતો, એમાં પ્રવેશ લીધો. તેઓ કોલેજમાં પણ એકબીજા જોડે વાત કરવાનું ટાળતા. ધૂળેટીનાં પર્વના આગલા દિવસે સૌ કોલેજમાં રંગોત્સવ ઉજવી રહ્યાં હતાં. એ વખતે કેટલાંક અસામાજિક તત્વોની અસર હેઠળ કોલેજનાં અમુક વિદ્યાર્થીઓએ પર્વની ઉજવણીમાં બિભત્સ વર્તન કરતાં વાણીને હેરાન કરવા માંડ્યાં. પોતાના ગૃપમાં રમતાં નિનાદે આ જોયું અને તે વાણીને બચાવવા દોડ્યો. તેણે તે છોકરાંઓની વચ્ચેથી વાણીને બહાર ખેંચી, ગભરાયેલી વાણી નિનાદને વળગી પડી. એ જ વખતે નિનાદે તેના કપાળ પર વહાલથી ચુંબન કર્યું. વાણીનાં ચહેરા પર શરમનાં ગુલાબી શેરડા ઉપસી આવ્યાં. નિનાદ અને વાણી વચ્ચે સંબંધનો એક નવો અધ્યાય શરૂ થયો.
પ્રકૃતિ ‘પ્રીત’
******************************†***********
NOG SS No :.0031
વિષય:- હોળી
પ્રકાર:-ટૂંકી વાર્તા
શીર્ષક:-અંત આરંભ
“લે તું ક્યાં હાલી મોટી વહુ,તમને ખબર નથી કે આ નવા પરણેલા જોડા સાથે તમે ઉતાસણીનાં દર્શન કરવા જાવ તો અપશુકન થાય.અને વળી પાછા ત્યાં ધુળેટીનાં શુકન કરવાં ઘણાં એકબીજાને ગુલાલ લગાવતા હોય તો
ક્યાંક તમને પણ રંગ અડી જાય તો તમારું વૈધવ્ય અભડાય.પતિનાં ગયાં પછી તમારે શું વાર કે તહેવાર હોય?તમારા માટે તો બધાં દિવસ સરખા.બેસી રહો ઘરમાં.” સાસુ સવિતાબેનનાં આ શબ્દો ઉર્મી માટે નવા નહોતાં.કારણ કે તેને આ ઘરમાં આવ્યે પાંચ વર્ષ થયાં હતાં.પરંતુ તેના લગ્નને ત્રણ વર્ષ થયાં હતાં ત્યાં તેના સુખને કોઈની નજર લાગી હોય તેમ એક દિવસ તેનો પતિ અજય ઓફિસથી ઘરે આવી રહ્યો હતો ત્યાં તેનાં બાઈકનો એક ટ્રક સાથે એક્સિડેન્ટ થયો અને તે બચી ના શક્યો.
ઉર્મી પિયર પર બોજ બનવા નહોતી માંગતી એટલે એનાં પિયરિયાંએ કેટલુંય પોતાની સાથે આવવા કહ્યું પણ તે ના ગઇ અને કહ્યું,”અહીં હું મારા સાસુ -સસરાની સેવા કરીશ.” સાસુને પણ એમ થયું કે ભલેને અહીં રહી કંઇ નહિ તો ઘરનાં બધાં કામ તો કરશે.જે દિવસથી અજયનું મૃત્યુ થયું હતું તે દિવસથી સવિતાબહેને કોઇ પણ વાર તહેવાર કે પ્રસંગ તે વિધવા હોવાથી નહોતો માણવા દીધો.છ મહિના પહેલાં તેના દિયર વિજયનાં લગ્ન થયા ત્યારે પણ તેને બધી વિધિમાં દૂર જ રાખી હતી.આજ પણ ઉતાસણીનાં દર્શન કરવાં તેને નહોતું જ જવું પણ નવી આવેલી દેરાણી પૂર્વીએ સોગન આપી દર્શન કરવા સાથે આવવાં કહ્યું.પણ સાસુમાનાં આવું કહેવાથી તે બેસી ગઇ.
પૂર્વીથી જેઠાણીને કહેવાયેલા આ વેણ સહન ના થયાં તેણે તરત જ સવિતાબેનને કહ્યું ,” મમ્મી ઉર્મીદીદીની જગ્યાએ જો કદાચ તમારી દીકરી હોત તો શું તમે તેને પણ આમ કહેતા? મોટાભાઇના ગયાનું સહુથી વધુ દુઃખ દીદીને હોય તો આપણે એવાં પ્રયત્નો કરાય કે તેમને કંઇક ખુશી મળે.તેનાં બદલે તમે તેમને આવું કહી વધુ દુઃખી કરી રહ્યા છો.અને રહી વાત વિધવાનાં અપશુકનનાં કુરિવાજોની તો એ કુરિવાજો હું આજે જ હોળીમાં હોમી આવું છું.તમને યોગ્ય લાગે કે ના લાગે હું ઉર્મીદીદીને રંગીન સાડી પહેરાવી દર્શન માટે લઇ જ જઇશ.”
આ સાંભળી સવિતાબેનને પોતાની ભૂલ સમજાઈ અને તેણે ઉર્મીની માફી માંગતા કહ્યું,”બેટા મને માફ કર હું દુનિયાનાં આવાં કુરિવાજોમાં બંધાયેલી હતી.આજ મને સમજાયું. ચાલો હું જ તમને મારી જોડે ઉતાસણીનાં દર્શન કરવા લઇ જાઉં છું અને કુરિવાજોને હોળીની અગ્નિમાં જ જલાવી દઉં છું.અને આવતી કાલે તમે બધાં સાથે મનભરી રંગે પણ રમજો.”
સાસુમાની આ વાત સાંભળી ઉર્મીના મનની સૂકાય ગયેલી ઉર્મીઓ ફરી નવપલ્લવિત થઇ ઉઠી.
મેઘલ કિશોરભાઇ ઉપાધ્યાય ‘મેઘુ’ રાજકોટ
*****************************************
NOG SS No : 055
પ્રકાર : ગદ્ય
શીર્ષક : રંગ પરિવર્તન ધુળેટીના પર્વની ખોબલે ખોબલે શુભકામનાઓ….. એક એવી પલ , જેની દરેક વ્યક્તિ રાહ જુએ છે લીલો રંગ …મહિમા અપરંપાર , કદાચ “લીલા રંગની જીવન પર અસર” _ એવું લખીયે તો ph.d. પણ થઈ શકે , પણ અહીં આજે મારે વાત કરવાની છે રંગ પરિવર્તનની.. વિશ્વનું કદાચ શ્રેષ્ઠ રંગ પરિવર્તન.. આ મન મોહી લેતો કાચી કેરીનો લીલો રંગ જ્યારે હોલે હોલે આહિસ્તા આહિસ્તા .. જ્યારે આછા પીળો અને તેમાંથી હળવો કેસરી અને તેમાંથી જ્યારે ઘાટો કેસરી…આ.હા….હા… એક તરફ દુનિયાની દોલત અને એક તરફ એ કેસરિયો…કદાચ એના માટે પણ કેસરિયા કરવા પડે તોય તૈયાર , અને જ્યારે આ લીલુડી ધરતીની મોંઘેરી મિરાત એવી આ લીલી કેરી નવોઢાની જેમ પિયુના રંગે રંગાઈ ધીમે ધીમે મૈહર (પિયરનાં)રંગ મૂકી પાકે પાકી સાસરિયાનાં રંગે રંગાઈ જાય તેમજ જ્યારે અનેરા ઠાઠ અને રજવાડી મોભો ધરાવતી બજારોમાં સિધાવશે ત્યારે ધન્ય ઘડી, ધન્ય ભાગ્ય … આ રંગોત્સવના પર્વાધિરાજના પાવન પર્વે આતુરતાથી રાહ રહેશે વિશ્વનાં શ્રેષ્ઠ રંગ પરિવર્તન ની…
શ્રધ્ધા ભટ્ટ
🥭🥭🥭🥭🥭🥭🥭