[6/17, 10:04 PM] Jayshree Patel. Sahityakar: *NOG SS NO :004*
*વિષયઃ આવરે વરસાદ, મેહુલિયો.. વરસાદને સાદ*
*પ્રકારઃ ગદ્ય / વાર્તા*
*શબ્દોઃ૩૦૦*
* શીર્ષકઃ શર્યત*
મેઘલી આજે ખેતરેથી પાછી આવી રહી હતી તેની નજર દૂર દૂર સુધી ખેંચીને માથે હાથની છાજલી બનાવી જોતી રહી. ખેતરોના ખેતરો સૂકાભટ થઈ પડ્યા હતાં.ઓણ સાલ પણ ન વરસ્યો તો બચાડા ખેડૂતો જાન દેશે. શું કરે ધરતી મા કે મેહ વર્ષે?
ઘરે પહોંચી તો થાકીને લોથપોથ થઈ ગઈ હતી. વાંસો દબાય કરી શેતરંજી પર આડી પડી. ત્યાં તેને શમણું આયું કે ગામને છેવાડે વડ છે તેનો પડછાયો જે દી ઉગમણે પડશે તે દિ મેહ જામીને પડશે. તેની આંખ ખુલી ગઈ આવી વાત કરે તો કોઈ ગાંડી જ ગણે ને?
આમને આમ પંદર દહાડા તો ગયાં પણ સોળમે દિવસે તેણે રજતને વાત કરી. રજતે તેની વાત ઉડાડી દીધી.તેને ગળે વળગાડી વહાલ કરી સુખ લૂંટ્યું , કેટલે દિવસે બે મનખા એક થયાં. એક દિવસ બપોર ટાંકણે એ દહાડા ગણી રહી હતી ને તેને લાગ્યું કે મને શમણું આયાને પણ આજે એક મહિનો વીસ દિવસ નીકળી ગયાં. અચાનક તેને વિચાર આવ્યો કે હું માથે પણ ત્યારે જ થઈતી. પછી નથ થઈ ને એ તો એકદમ હરખાઈને દોડી રજતને શોધવા.
ભાગતી જાય ન તેને દિશાનું ભાન રહ્યું ન વેળાનું. ખુશખબર આપવા જ છે પહેલાં રજત જ ને જ આલુ ને પછી માવડીને. ત્યાં પહોંચી વડે ને જોયું તો ઉગમણે પડછાયો પડ્યો હતો. તે વિચારે ચઢી હાચે જ મેહ વરસશે કે મારી ખુશીનો મેહ વરસ્યો એ હાચો. આભલે તો કોઈ અણસાર નથ દિસતા. ત્યાં થોડે હાલીને ત્યાં આકાશે ક્યાંકથી કાળા મેધ જાણે નગારા વાગે તેમ ડણક્યાં ધનનન ગર્જના થવા લાગી ને વીજળી ચમકવા લાગી. હાથીની ગર્જના થતી હોય ઈમ વાદળા એકબીજાને ભીંડાયને અવાજ કરવા લાગ્યા. ગામ આખ્યું પાદરે ભેગું થયું ને મેઘલીએ રજતનાં કાનમાં કહ્યું તે રાતે શમણું કહ્યું ત્યારે શર્યત બકી હતી ને તે અલ્યા એ સુખ પાંગર્યું છે મારા ઉંદરમાં. રજત તો સાંભળીને જ ગાવા લાગ્યો મેહુલિયા મન મૂકી વરસ આજ
મારે આંગણે આવ્યો મેધ ગર્જયો,
કહું તને.. ગાઉં તુજને રે…
આવ રે વરસાદ.. આવરે.
*જયશ્રી પટેલ*
*૧૮/૬/૨૨*
[6/17, 10:35 PM] Arti Merchant.MeM.NOG: NOG SS no.0007
વિષય : આવરે વરસાદ
પ્રકાર : પદ્ય
શીર્ષક : તું તો આવ્યો હતો
તું તો આવ્યો જ હતો વરસાદ થઈને,
પણ મેં ઓઢી લીધું વાદળ મર્યાદાનું.
તું તો આવ્યો જ હતો વરસવા,
પણ મેં ધરી લીધું છત્ર લજ્જા કેરું.
તું તો આવ્યો જ હતો બુઝાવવા તરસ મારી પ્રીતની ચાતક કેરી,
પણ મેં લીધું આવરણ મૃગજળ કેરું.
તું તો આવ્યો જ હતો મને ભીંજવવા તારી પ્રીતથી,
પણ મેં દોરી લક્ષ્મણ રેખા વિનય કેરી.
તું તો આવ્યો જ હતો ફરી સપ્તરંગી મેઘધનુષ થઈને,
પણ મેં સ્વીકાર્યો શ્વેત રંગ સન્માન કેરો.
આજે ફરી આવ્યો વરસાદ,
ને ફરી રચાયું છાતીમાં મેઘધનુષ,
છું કોરીધાકોર હજીયે,
તું ભીંજવવા આવીશને મેહુલિયા?
લેખિકા: આરતી અઢીયા મરચંટ
મુંબઈ: કાંદિવલી
[6/18, 5:17 AM] R S. Vyas.MEM: NOG SS No 0112
પ્રકાર,,,, ગદ્ય
વિષય,,, આવ રે વરસાદ
શીર્ષક,,, વરસાદની વિરહ વેદના
જેઠ મહિનો બેસતા જ ચોમાસાની ઋતુ શરૂ થઇ જતી હોય છે, જગતનો તાત અને પશુ પાલકો સહિત આમ જનતાની નજર ઉંચી આકાશ ભણી મીટ માંડે છે કે ક્યાંય વાદળો દેખાય છે ખરા ?
પરંતુ વરસાદ ક્યાંય દેખાતો નથી અને આમને આમ એક મહિનો વિતી જાય છે ત્યારે મેઘરાજાને વિનેવે છે કે હે મેઘરાજા,,,,,
જેઠ કોરો જાય તો અમને દલમાય દખ નહી,
અષાઢનો એક દી, અમને વહેમો લાગે વાલીડા
કારણ કે જેઠ મહિનો જતો રહે તો પણ પાછોતરા વરસાદ સારા હોય ત્યાં સુધી ખેતીની ઉપજ સારી લઇ શકાય, પશુ, પક્ષી, ઘાસચારો અને પીવાના અને સિંચાઈના પાણીનો પ્રશ્ન પણ હલ થઇ જતો હોય છે.
એટલે જ સાહિત્યકારો એ દુહામાં કહ્યું છે કે,,,,,,
બહુ મથે માનવી, ત્યારે માંડ વિઘો એક પવાય
ઈતો રઘુવીર રીઝે રાજડા, નવખંડ લીલો થાય,,,,
માટે જ સમગ્ર શ્રુષ્ટિ પર વસતા, પશુ પક્ષી અને માનવની આકાશ તરફ એક મીટ હોય કે,
આવ રે વરસાદ.
રાજેશભાઇ એસ વ્યાસ,
ધ્રુવનગર,,,, મોરબી
[6/18, 10:40 AM] Puja Alka Kanani.Kutchh.Kananips.MeM.NOG: NOG SS નંબર 0042
વિષય – આવ રે.. વરસાદ
પ્રકાર -ગદ્ય
શીર્ષક – વરસાદ અને બહાના
શબ્દ -૨૮૩
ઘણા વર્ષો પહેલાની વાત છે. જૂન જુલાઈ મહિનામાં વરસાદનું એક ટીપુ પણ ના પડ્યું. ઈન્દ્રદેવ તો ઉંચાનીચા થાય અને કહે,” પ્રભુ, મારું કામ લોકોને આ બે ત્રણ મહિનામાં આખા વર્ષનું પાણી પૂરું પાડવાનું છે. મને રજા આપો તો હું મારું કામ પૂરું કરું. ભગવાન કહે, “હે દેવ, લોકો મને શી પ્રાર્થના કરે છે એ સાંભળો પછી તમને જવા દઉં.”
સ્કૂલે જતાં બાળકો-“હે ભગવાન, આજ વરસાદ ના આવે તો સારું આજે ટેસ્ટ માટે કશી તૈયારી નથી કરી.”
ગૃહિણી-“હે ભગવાન, આજે વરસાદ ના આવે તો સારું. મહેમાન આવવાના છે. કામ પણ ઘણું છે જો વરસાદ આવશે તો કામવાળી પણ નહિ આવે મારે જ બધું મેનેજ કરવું પડશે.”
છાપાવાળા-“હે ભગવાન, આજ વરસાદ ના આવે તો સારું. એક તો પગ દુખે છે. છાપાનો ઘા નહીં થાય અને દરવાજો ખખડાવીને દેવા જવું પડશે. એના કરતાં આજે આવવાનું રહેવા દે.”
પતિદેવ-“હે ભગવાન, આજ વરસાદ ના આવે તો સારું એક તો પેટ ખરાબ છે ને ઘેર જઈશ તો ઘરવાળી ભજીયા જ બનાવશે. તબિયત વધારે બગડશે.”
પ્રેમિકા-“હે ભગવાન, આજ વરસાદ ન આવે તો સારું. માંડ ડેટનું ગોઠવાયું છે. જો વરસાદ આવશે તો મારો મેકઅપ ધોવાઈ જશે અને મારું ઓરીજીનલ રૂપ છતું થઈ જશે.”
ઇન્દ્રદેવ તો આ બધું સાંભળી ગુસ્સે થઈ ગયા પણ નાના બાળકોને,ખેડૂતોને, પ્રાણીઓને,પાણી માટે વલખા મારતા લોકોને જોઈ વરસી પડયાં.
વિચારો આપણે બધાંએ પણ એકવાર તો વરસાદને ન આવવા માટે વિનવ્યો હશે! ખરું ને? આવી યાદી તો ગણી ન શકાય એટલી હશે! વરસાદની જરૂરિયાતથી કોણ માહિતગાર નથી! તો ચાલો આજથી એક સંકલ્પ કરીએ વરસાદને વધાવવા અને આવવા માટે નાના બાળકની જેમ ગાઈએ ‘આવ રે…વરસાદ ઘેબરિયો પરસાદ, ઊની ઊની રોટલી ને કારેલાનું શાક.’
પૂજા(અલકા)કાનાણી
[6/18, 1:57 PM] A Nishant Mother.MeM.NOG: NOG SS 0092
પ્રકાર:- પદ્ય
વિષય:- આવ રે વરસાદ!
શિર્ષક:- યાદ છે તને?
પહેલા વરસાદની એ પહેલી હેલી
યાદ છે તને?
ભીંજાયા હતા જયાં તન- મન ચોધાર
એ યાદ છે તને?
મનની કોરી ધરા પર કર્યુ’ તું તે,
લાગણીઓનું વાવેતર એ યાદ છે તને?
મોરના ટહુકાનું સંગીત હતું ચરમ સીમા પર,
ઢેલનું નર્તન હતું સ્વર્ગલોકના આનંદથી ઉપર.
ઉઠી હતી તરસી ધરાના દેહથી મીઠી સોડમ,
યાદ છે તને?
ક્યાંક હતું એક છત્રીમાં રહી,
સાથે ભીતર સુધી પલળવાનું ઝનૂન.
ક્યાંક એકલા હૈયાને દઝાડતી વર્ષા સામેનો આક્રોશ,
આપણું નિતાંત હેતમાં ભીંજાવું યાદ છે તને?
કેટલીય પ્રાર્થનાઓનું ફળ આ વર્ષા,
પર્જન્ય યજ્ઞનું તપોબળ આ વર્ષા.
અબોલ જીવોના અસ્તિત્વનું બળ આ વર્ષા,
ઝંખી’તી આપણે પળેપળ આ વર્ષા યાદ છે તને?
નભમાં ચમકતી વીજના થડકાર ઉરમાંય થતા,
બહાર કરતા બહાદુરીનો દેખાવ પણ
મન ભીતરથી ગભરાતા.
વીજળીના ચમકારે થયેલો આપણા પ્રણયનો એકરાર યાદ છે તને?
દર ચોમાસે પહેલા વરસાદની હેલી,
પ્રીતની વર્ષગાંઠ બની આવે છે.
ઉજવવા આવે છે મેઘ એની વીજળી સંગાથ,
યાદ છે તને?
-અલકા નવિનચંદ્ર મહેતા
ગાંધીનગર
૧૮/૦૬/૨૨.
[6/18, 4:25 PM] Jaykant Ghelaani.MeM.NOG: NOG NO. S.S. 0059
વિષય:”આવ રે વરસાદ”
પ્રકાર: ગદ્ય- લેખ.
શીર્ષક:”પધારો -પધારો વર્ષારાણી”
શબ્દ સંખ્યા:૨૬૫.
જયકાન્ત ઘેલાણી -પ્યારે”.
“આવ રે વરસાદ…”
પધારો-પધારો વર્ષારાણી.
“બ્રિસ્ટિ એસૌ” (બંગાળી),
“યેરે યેરે પાવસા”(મરાઠી),
“વરસાત તૂ જલ્દી અચ” (સીંધી)
ઉપરના જુદી જુદી ભાષાના અવનવા પ્રેમથી તરબોળ થયેલા અનેક શબ્દો, કહેવતો, લોકગીતો
કવિતાઓ તેમજ ટૂંકા રમુજી ટૂચકાઓ વર્ષા ને આવકારવા તૈયારછે.
લગભગ આપણાં આમંત્રણ નો સ્વિકાર કરી સમયસર પધારી આપણાં ઊપર અમીવર્ષા વરસાવેજછે,
જે આપણુ અહોભાગ્ય છે.
આછે વર્ષા સાથેનો
જીવસૃષ્ટિનો મોહ !
જાદૂઈ અકળ સંબંધ !
તો પંખી પ્રાણી પણ તેની ભાષામાં જગતના તાત અને સમગ્ર સૃષ્ટી ના પાલનહારછે તેવી મેઘરાજાની રાણી ,વર્ષારાણી ને પોતાની ભાવભરી મીઠી વાણીમા જરૂર આવકારેછે ને !
જેમકે,
ચાતક પક્ષી, બપૈયા, મોર, તમરાં ,પ્યારે નાનામોટા દેડકા પણ પોતાનું આમંત્રણ વર્ષારાણીને આપેજછે!
શબ્દો, અવાઝ ,જુદી જુદી ભાષાના પણ અર્થ એકજ આમંત્રણ!
અનેક શબ્દો અરસ પરસના પ્રેમાળ સંબંધોને ગાઢ બનાવવા સિમેન્ટ નુ કામ કરેછે,
જયારે આજનો આપેલો શબ્દ
“આવ રે વરસાદ” ત્રણજ શબ્દોનો સમૂહ અને ફકત સાત
અક્ષર,પ્યારે”, સમસ્ત સૃષ્ટીની
જીવસૃષ્ટિ ના ભાવીને સંભાળવાનુ સામર્થ્ય ધરાવેછે, અને તેથીજ
સમસ્ત વિશ્ર્વની પ્રજા ,
“આવ રે વરસાદ” ની ચાતકપક્ષીની જેમ આતુરતાપૂર્વક
રાહ જૂએછે.
વરસાદ એકાદ વર્ષ મોડો આવે કે ન આવે તો સમગ્ર સૃષ્ટી ની હાલત કેવી થાયછે તેની કલ્પના આપણા ગાત્રો ઢીલા કરવાં કાફીછે.
વરસાદ ના આગમનથીજ સમગ્ર પૃથ્વી હરિયાળી સાડી ધારણ કરી વર્ષારાણીને મીઠો આવકાર આપેછે, તો શીશુ જગત પોતાની મનોકામના વ્યક્ત કરવા કાગળની હોડી પાણીમાં તરવા દોટ મૂકેછે, તો જગતનો તાત અન્ન ની વાવણી કરવાના મૃર્હત ને વધાવેછે.મંદિરોમા આનંદનો ઘંટારવ રણકી ઉઠેછે, ચારેકોર આનંદ ઊત્સાહની હેલી ઊમટી રહેછે, નદીઓ બે કાઠાની મર્યાદા તોડવા ગાંડી બનેછે.
આછે મેઘરાજાની રાણી, વર્ષારાણીનો અદભૂત જાદુ
!
આવ રે વરસાદ,ઢેબરિયો પ્રસાદ
ઉની ઉની રોટલીને કારેલાનુ શાક !
વર્ષારાણીનું મનભાવન વ્યજન!